امت مسلمہ میں اتحاد کے عوامل قرآن کی نگاہ میں

قرآن ایک مکمل ضابطہ حیات ہے اور انسان کی ہدایت کے تمام پہلووں کا احاطہ کیے ہوۓ ہے۔ اتحاد اور وحدت انسان کی ہدایت کا لازمی جزء ھے قرآن مجید کی متعدد آیات میں انسانوں کو ایک امت کہا گیا ہے اور مسلمانوں میں اتحاد و یکجہتی کی اہمیت پر زور دیا گیا ہے۔ زیر نظر مقالے میں قرآن کی روشنی میں وحدت کے کچھ عوامل کو ذکر کیا گیا ہے مثلا توحید، نبوت اور انسانی فضائل و اقدار سے آشنایی کے ساتھ ایک دوسرے کا احترام وغیرہ اور اسی طرح اتحاد کا ھدف یہ ہے کہ امت مسلمہ اس مقام تک پہنچے کہ جب مختلف مکاتب فکر اپنے اندرونی تنازعات اور اختلافات کو حل کرنے کے لیے باہمی مشترکات کی طرف رجوع کریں تاکہ اسلام دشمن عناصر کے خلاف اپنا اتحاد برقرار رکھ سکیں اور اس دور میں ہم پر وحدت کے متعلق عائد زمہ داریوں کو آیات کی روشنی میں بیان کرنے کی کوشش کی گئ ھے۔