هلژحمه قرآن نه امام علی علیه السلام فیقپوے نظرینگ میونی کھم تھونی کھه دوکپافری بنیادی لسنه خسوم

لس سونگنه تھوکپا یا کڑه تنگما فری نمبرچھوغو لسنه خسومگومگوے خپیره: هلژحمه امام علی علیه السلامِ فیقپوے نظرینگ(خسمبینگ)بنیادی لسنه خسوم میونی برینگ کھمتون ینگ زوم زوم بیام یونی برینگ تھون چوکپه یودپی لسنه خسوم یود دی لسنه خسومپوبی سترونگ لوکھ میدکھه میدله گوارگوسفی ان۔اسلامی دی هلژحمه چھوسپوبی بزویکھه هلتسنه میونی چکفری بزویکھ دوکسے دوک لنگ بیایودپونه جمی بزویکھ دوکسے دوک لنگ بیا یودپو؛ میونی برینگ ککه فونوے بزویکھه کھم تھونی کھه دوکپه یودپو ان،یوبی فری قرآن کریم نه ینگ هلژحمونی دوک لنگ فیسے مولا حضرت امیرالمومنین علی علیه السلام فیقپوے دوک لنگ کنینگ نو کھم تھونی کھه دوکپه یودپوینگ اجتماعی زندگی بیایودپی بارینگ زومسے دوکسے دوک لنگ بیایودپوله دی هلژحمه چھوسپوبینگ سکیدے سفارش سونگسےموتپو اهمیت مینے یود۔هلژحمه امامی فیقپو لونشو هڑژغه( 25)چوب چدے شخفه یودپو سه یو فری ان سوک زیربه یودپو نوزین گوا گوید۔قرآن نه هلژحمه امامی کسل کُنینگ نو بنیادی لسنه خسوم میونی برینگ ،گڑونگنه گڑونگ برینگ یا یولنه یول برینگ تھون چوکپه یود پو؛ کھم تھون بیا یود پو ان (دی کھم تھون بیا یودپو ینگ کھم تھونی کھه دوکپه یود پو له اشین رگید)گوانه دی بزوستو ملسه موتپو له میونی برینگ تھوبه گوید ینگ دیوبی اهمیت پو اشین یود۔دیکھه بنیادی لسنه خسوم یود دےلسنه خسومپو دو ان،1 - چیکپو میونی حق کنی سترونگ لوکھ بیا یود پو ان،2-اے چیکپو میونگ کھوتی برینگ چیک چیکپو نه دریسے کھم تھونی کھه دوکپه یود پو ینگ چیک چیکپوله احترام یقپه یود پو ان۔ 3-اے چیکپومیونگ له دی دنیادی کھه سوله سا خسونے دوکپه یودپی زندگی بیا یودپی حق یودپی ان زیربه یودپو له قبول بیا یودپو ؛ سنینی هڑژانه ان زیر به یود پو ان، گوانه دی لسنه خسوم؛ پو میونی برینگ امن خٹپه یودپی لمیک ان۔گوانه اسلامِ دی هلژحمه چھوسپو بی میونگ گانگمه له کھم تھونی کھه دوک زیربه یودپی فیوخله دے تھونی منپو اھل کتاب (یهود و نصارا ی پونگله سه میونگ گانگمنه کھم تھونی کھه دوک زیرےسکت زیرید، یو بی فری اسلامِ دی هلژحمه چھوسپو بی سی تھنو بیا یود پو ده وخله ضروری ان زیرید؛ پغزی دی چھوسپو انمید گوید زیرسنه یا هڑژیسمید گوید زیرسنه ده وخله تھنو بیاسے چھوسپو سترونگ زیرید دو مید زیرسنه مینگه چک ڑدبفنه می گانگمه ڑدبفنه ژوخ ان پغزی مینگه چک خسون چوکھنه می گانگمه خسون چوکفه ان زیرے کسل بیونگسے یود،گوانه دی بزویکھه میونگ گانگمه کھم تھونی دوکپه یودپو له اشین ستودے میونگ گانگمه له نون چوکسید۔گو تھوس خپیرونگ : امام علی علیه السلامِ فیقپوے بنیادی گوتھوس لسنه خسوم ۔ 1-کھم تھونی چیتنح ، 2 -میونی حق کنی سترونگ لوکھ ، 3-اے میونی احترام بیا یود پو ، ایونگ له سادی دنیا دینگ دوکپی زندگی بیا یود پی حق یود زیر بو له ان زیربه یود پو.