بەرجەستەکرنا زانستی جوانکاریێ د هوزانا جزیریدا

جوانکاری زانستەکە ژ زانستێن رەوانبێژیێ کو تورەڤان بۆ جوانکرنا ئاخفتن و مەبەستا خۆ هندەک پەیڤ و بێژەیا بکاردئینیت کو روویێ ئاخفتنێ‌ د سنورێ‌ بێژەو رامانێدا پێ‌ د خەملینیت دگەل بەرچاف وەرگرتنا هەلویستێ‌ گوهداری و وەرگری. راستە زانستێ‌ جوانکاریێ وەک زانست ژ عەرەبان گەهشتیە کوردان، بەلێ‌ وەک پراکتیک ئەڤ زانستە د هوزانێت کوردیدا ژ کەفندا هەبوویە و ب تایبەت ل سەر دەستێ‌ هوزانڤانێن مەزن یێن کورد مینا (جزیری و خانی....هتد) ئانکو ئاخفتنا کورداندا چ هوزان و چ بەخشان بیت ئەڤ زانستە ب رەنگەکێ‌ بەرفره هاتیە بکارئینان؟ بو نموونە کەلتورێ‌ کوردی ژ گوتنێن مەزنان، ستران، هوزان...چونکی هونەرێ ئەوان ژ ئاخفتنا روژانە و ئاسایی جودا بوو و پەنا دبرنە بەر پەیڤێن جوان و سەرنجراکێش و ئاواز بەند و سەرواکێش و ب ئەڤێ چەندێ‌ هونەرێ ئەوان یێ پر بو ژ جوانکاریێ.