د قرآن کریم له نظره دنوی (معاصر) اسلامی تمدن اساس

اسلامی معاصر تمدن د نړۍ تر ټولو تمدنونو غوره تمدن ده چې د اسلام له پیدایښت نه شروع شوی او تر قیامته پوری به دوام لری، دا تمدن د الله له طرفه مخلوق ته لیږل شوی، چې د انسان او ټولنی د پرمختګ او ښه ژوند لپاره تر ټولو تمدنونو غوره تمدن ده، ددې تمدن په مقابل کې د نړۍ نورو تمدنونو تل ماتی خوړلی ده ځکه چې دا د لوی خدای تمدن ده. په دې بحث کې مونږ هغو بنسټونو ته اشاره کړی چې قرانکریم د یوه تمدن د پرمختګ لپاره اړین بللی.قرآنکریم مسلمانانو ته امر کوی چې اسلامی تمدن د پرمختګ لپاره باید هڅې وکړی او ددې لپاره چې دا تمدن له شروع تر قیامته پوری وځلیږی ، باید د اسلامی معاصر تمدن بنسټونه (اعتقادی، ټولنیز، اقتصادی او اخلاقی بنسټونه ) قوی کړی.که مونږ د اسلامی معاصر تمدن د پرمختګ عوامل وګورو له ورایه معلومیږی چې کله هم د اسلامی تمدن بنسټونه قوی شوی اسلامی تمدن پرمختګ کړی او هر کله چې د اسلامی تمدن بنسټونو ته پاملرنه نه ده شوی، اسلامی تمدن له ستونزو سره مخ شوی یا یې هم ماتی خوړلی که مونږ اسلامی تمدن په سمه توګه وپیژنو او په خپل ژوند کې یې عملی کړو،د نړۍ تر ټولو تمدنونو به مخکښ و، مونږ چې کله هم اسلامی معاصر تمدن یادوو مقصد مو همغه مخکینی اسلامی تمدن ده خو په معاصر تمدن کې هغو نوښتونو ته هم اشاره کوو چې په پخوانیو زمانو کې بشر نه و کشف کړی.