ئۆنتۆلۆژیی زمان لە شیعری بوونگەرایی شێرکۆ بێکەسدا ( لێکۆڵینەوەیەکی شیکارانە-لێکدانەوەیی لەسەر بنەمای فەلسەفەی هایدگەری)

ئەم لێکۆڵینەوەیە بە ئاراستەیەکی شیکارانە-لێکدانەوەیی و بە پشت بەستن بە چەمکە فەلسەفییەکانی مارتین هایدگەر، هەبوونناسیی زمان لە شێعری بوونایەتیی شێرکۆ بێکەسدا تاوتوێ دەکا. بە لێکدانەوی کەڵک وەرگرتنی داهێنانەی بێکەس لە زمان و تێکگیرانی ئەو لەگەڵ ناوەرۆکگەلێکی وەک: دوورخرانەوە، شوناس و داڵغەی بوونایەتی، بۆمان دەردەکەوێ شێعری ناوبراو چۆناوچۆن بیرۆکەی هەبوونناسێتیی هایدگەر وێنا دەکا و پەرەی پێ دەدا. ئەم لێکۆڵینەوەیە گوڵبژێرێک لە کۆمەڵە شێعرەکانی بێکەس، وەک ئێستا کچێک نیشتمانمە و دەربەندی پەپوولە تاوتوێ دەکا و لێکیان دەداتەوە. مەبەستی ئەوەیە نیشان بدا، بەرهەمەکانی هایدگەر چلۆن چەمکەکانی دنیا و ڕەسەنایەتی و دەوری زمان لە دەرخستنی بوونایەتیدا، خویا دەکەن. ئەم لێکدانەوەیە نەک هەر یاریدەی تێگەیشتنێکی قووڵتر لە ئەدەبی کوردی دەدا، هاوکات ڕوانگەگەلێکیش لەمەڕ کەڵک وەرگرتن لە فەلسەفەی بوونایەتی لە دەربڕینی شێعریی هاوچەرخدا دەردەخا. ئەم وەدۆزراوانە گرینگایەتیی کاری بێکەس لە دەربڕینی ئاڵۆزییەکانی بوونی مرۆڤ، بەتائبەت لە چوارچێوه‌ی شوناسی کوردی و ئەزموونی دوورخرانەوەدا، زەق دەکەنەوە.